Turnover Ceremony ng Smart Green House sa Libertad, Antique (Enero 10, 2025)
Matagal ko nang pinangarap na makapagtayo ng isang proyekto na maghahatid ng inobasyon at magsusuporta sa organikong pagsasaka. Ngayon, natupad na ang pangarap na iyon sa pamamagitan ng pag turnover ng isang Smart Green House sa Libertad. Isa itong tagumpay na sumasalamin sa ating dedikasyon na magbigay-lakas sa mga magsasaka gamit ang makakalikasan at praktikal na solusyon.
Bilang isang maliit na magsasaka at matagal nang tagapagtaguyod ng organikong pagsasaka, malapit sa aking puso ang proyektong ito. Naniniwala ako na mahalaga ang pagsasama ng tradisyonal na kaalaman at modernong teknolohiya upang makamit ang mas masaganang kinabukasan. Ang greenhouse na ito ay simbolo ng pag-asa para sa mga magsasaka sa Libertad at sa iba pang lugar, patunay na sa tamang suporta at kagamitan, kaya nating alagaan ang ating lupa habang iniingatan ito para sa mga susunod na henerasyon.