Handog sa Malabueño at Navoteño mula sa Team Lingkod Loren!
May kabuuang 1,600 na indibidwal at 450 pamilya na naapektuhan ng bagyong Carina mula sa aming bayan sa Malabon at katabing bayan ng Navotas ang hinandugan natin ng munting tulong.
Noong Biyernes, namigay ang Team Lingkod Loren ng mga bag ng bigas na may tig-limang kilo sa 185 pamilya sa mga barangay ng Potrero at Tinajeros. Sa mga barangay ng North Bay Boulevard South Dagat-dagatan at Tanza sa Navotas naman, 265 pamilya ang ating natulungan. Namahagi rin tayo ng mainit na arrozcaldo sa mga kababayan natin sa Malabon at Navotas.
Tuluy-tuloy ang ating pag-abot ng tulong sa mga kababayan nating nangangailangan. Ang Team Lingkod Loren ay palagi ninyong kaagapay sa anumang panahon.
